Kumpulan Pantun Minang Galau

Halo para pecinta pantun minang, berikut beberapa pantun minang galau. Buat pecinta pantun yang lagi galau

Usahlah kito bagarah-garah
banyak urang mamandangnyo
Kok uda cinto datanglah karumah
Bosan denai bak cando iko

Kalau cinto kito bagarah sajo
Rancak dicarilah nan lain
Carilah panuka diri nanko
Pado marusak dalam batin

Buruang balam hinggok di dahan
didahan labek sibungo rayo
Bukan cinto disimpang jalan
Dima taraso lah singgah sajo

Pituah datang dari pangulu
Dari sampan sampai ka rakik
Kok denai tahu padiahnyo dari dahulu
Indak kini denai kamanangguang sakik

Lai denai tarah indak tatarah
Kaditarah sibatang padi
Kini cinto denai tapuak sabalah
Sadang arek, kasiah lah pai

Baranang mandi ka muaro
Banyaklah urang nan tasuo
Jurang pamisah bansaik jo kayo
Kasiah dilarai dek urang tuo

Sabana pandai uda marayu
Kironyo uda mato karanjang
Akianyo denai tahu
Kian kamari uda bakasiah sayang

Mailia aia dari hulu
Banyaklah urang mamanciang iakn
Bangkalai kasiah nan lah balalu
Cameh kok urang nan manyudahkan

Rami urang mambuek galamai
Dibaok urang anak piliang
Kasiah hati nan indak sampai
Adiak kanduang nanlah bapaliang