Kumpulan Pantun Minang Gombal Lucu

Selamat datang para pecinta pantun yang suka berpantun ria, berikut beberapa pantun Minang gombal lucu, untuk yang lagi kasmaran dan yang memiliki pasangan yang berasal dari Padang (Minang).
Semoga bermanfaat.

Ramilah urang ka malalak
Mambaok ubi jo samba randang
Patuiknyo adiak lah mailak
Ado nan elok kaparintang

Adiak kanduang nan putiah manih
Buliah ko uda batanyo namo
Bialah pitih uda abih
Asalai sayang batarimo

Mandi balimau katapian
madi bagusuak jo bungo lado
Lalok malam jadi rasian
Rasonyo adiak nan lah tibo

Kalapau mambali karupuak
Kapulang naiak padati
Walau co puti datang mambujuak
Alun kabarubah lai kandak hati

Basaluang urang di singkarak
Lagunyo bajudul sibugih lamo
Uda lah sayang, adiak mailak
Alamaik badan kamambujang lamo

Balam ma angguak si tigo gayo
Hinggok batanang di batang jambu
Malam tibo rindu tarason
taragak rasonyo nak batamu

Raso kopi sampai ka candu
Sakali di hiruik sampai kadado
Angin lalu sampaikan rindu
ka adiak surang nan den cinto

Mambali lado ka pasa solok
kapulang harilah sanjo
Malam tibo ndak namuah lalok
Paniang denai dibueknyo

Hari nan galok-galok paneh
Jamua takaka di halaman
Hati ko sadang harok-harok cameh
Raso kalapeh dari tangan

Duduak dikadai bamain Koa
Karateh disusun sambia marokok
Pandangan Adiak ka diri uda
Mabuek darah tasirok-sirok

Balam basarang di tampuruang
Dipindahan sutan kadalam peti
Dalam ranah tujuah kampuang
Adiak surang nan di hati

Lamang di ambiak sapanjang langan
Diabaok urang ka Salayo
Nyampang Adiak lapeh dari tangan
Indak kabaganti salamonyo